Кибербуллингтің түрлері, оның психологиялық салдары және одан қорғану жолдары кеңінен түсіндірілдіі

Сұлтан Ахмет Ходжиков атындағы 39 мамандандырылған лицейде кибербуллингтің алдын алу және оқушылардың цифрлық қауіпсіздігін арттыру мақсатында маңызды іс-шара өтті.
Лицей психологтары Магзумова Н.К. және Кажым А. ұйымдастырған бұл кездесуде оқушыларға кибербуллингтің түрлері, оның психологиялық салдары және одан қорғану жолдары кеңінен түсіндірілді.
Іс-шара барысында ашық пікір алмасу жүргізіліп, нақты өмірлік мысалдар арқылы оқушылардың саналы әрі жауапты онлайн мінез-құлқын қалыптастыруға баса назар аударылды. Психологтар әр оқушының өз ойын еркін жеткізуіне мүмкіндік беріп, пайдалы кеңестермен бөлісті.
Мұндай тәрбиелік мәні зор іс-шаралар оқушылардың жеке қауіпсіздігін нығайтып, бір-біріне құрметпен қарауға тәрбиелейді