«Балалар – азаматтық қорғаныс әлемінде»

«Балалар – азаматтық қорғаныс әлемінде»
С.А. Ходжиков атындағы №39 мамандандырылған лицейінде «Балалар – азаматтық қорғаныс әлемінде» тақырыбында маңызды іс-шара ұйымдастырылды.
Іс-шара лицейдің алғашқы әскери дайындық пәні мұғалімі мен лицейдің аға тәлімгері Самат ағайдың бірлескен жұмысы негізінде өтті.
Шараның басты мақсаты – оқушыларға төтенше жағдайлар кезіндегі қауіпсіздік ережелерін үйрету, дұрыс әрекет ету дағдыларын қалыптастыру және жауапкершілік сезімін арттыру. Оқушылар теориялық білім алып қана қоймай, тәжірибелік жаттығулар арқылы өз қабілеттерін шыңдады.
Белсенділік танытқан оқушылар азаматтық қорғаныстың маңызын түсініп, кез келген жағдайда сабыр сақтап, сауатты шешім қабылдаудың жолдарын меңгерді.
Мұндай мазмұнды жұмыстар жас ұрпақтың батыл, тәртіпті, елжанды азамат болып қалыптасуына зор үлес қосады.