Лицейдің білімді де, білікті ұстазы, көркем еңбек пәнінің мұғалімі Латыпов Құдайберген білім беру саласын дамытуға қосқан зор үлесі, өскелең ұрпаққа өнегелі тәрбие мен сапалы білім берудегі  елеулі еңбектері үшін Қазақстан Республикасы Білім және ғылым миинистрлігінің "Алғыс хатымен" марапатталды. Құттықтаймыз!

         Музыка және  өзін-өзі тану пәнінің мұғалімі Муханбеталиева Нурзия Есимгалиевна "Өзін-өзі тану" пәні бойынша өткен оқу жылында бейнесабақтардың мазмұнын әзірлеуге және түсіріліміне қатысқаны үшін "Адамның үйлесімді дамуы ұлттық институтының" Алғыс хатымен марапатталды. Ұстаз еңбегі әркезде де бағалы, жоғары бағаланып келеді. Мәртебелі ұстазымыз Нурзия Есимгалиевнаға еңбегіңіз жемісті, толағай табысты бола берсін демекпіз!

9 "А"сынып оқушысы Республикалық ЖББ пәндер олимпиадасында информатика пәнінен 3-орынды иеленіп, қола медаль иегері атанды. Ата-анасына алғыс білдіре отырып, лицей абыройын көтерген Дастанға зор табыс тілеп, үлкен белестерді бағындыруға тілектеспіз!!!

Сәуір айында өткен қалалық жасөспірімдер (Юниор) олимпиадасының жеңімпаздары информатикадан 8 сынып оқушысы Жексенов Арманжан, 2-орын, жетекшісі Бекбергенова Б.С., 7 сынып оқушысы Қозыбек Аружан 3-орын, жетекшісі Малыбаева Г.А., сондай-ақ, биология пәнінен 7 сынып оқушысы Рахманәлі Аружан "Құрмет грамотасымен" марапатталды, жетекшісі Мақсот А.Б. Құттықтаймыз!!!

Лицейдің 10 сынып оқушысы Арғынбаева Бибінұр Мәскеу физика-техникалық университетінің 60-шы дәстүрлі олимпиадасына қатысып, 3-орынды иеленді. Жетекшісі, математика пәнінің мұғалімі К.А.Сеитова. Құттықтаймыз!

Қалалық "Алтын түлек" олимпиадасына лицейдің 10 сынып оқушылары қатысып, Окенов Ильяс 2-ші орынды иеленіп, ІІ дәрежелі дипломмен және 10000 теңге ақшалай сыйлықпен марапатталды. 10 сынып оқушысы Арғынбаева Бибінұр грамотамен марапатталды. "Алтын түлек" олимпиадасының қалалық кезеңінің 3-орын жеңімпазы С.А.Ходжиков атындағы#39 мамандандырылған лицей атанды. Құттықтаймыз!!!

Ұлттық ғылыми-практикалық дене тәрбиесі орталығының ұйымдастыруымен өткен мектеп оқушылары арасындағы жарыста лицейдің 9 А сынып оқушысы Абибулла Сәнім SRSS және SROC jump ROPE номинациясы бойынша 2 орынға ие болды. Құттықтаймыз!

Лицейдің қазақ тілі және әдебиеті пәнінің мұғалімі-Аманов Нұржігіт Бердібекұлы аудандық "Алматы жыл мұғалімі" конкурсының бас жүлдесіне ие болды. Нұржігіт Бердібекұлын жеңісімен шын жүректен құттықтай отырып, қалалық кезеңде сәттілік тілейміз!

Лицейдің 5 "Ә" сынып оқушысы Мейрамбек Ануар “Қосбатыр клубы” ұйымдастырған Дзюдо күресінен 2-орынға ие болды. Ануарды жеңісімен шын жүректен құттықтаймыз!

Лицейдің математика пәнінің мұғалімі Адырова Райгүл Әбдіманапқызының оқушылары математикадан Республикалық қашықтық олимпиадасына қатысып, жүлделі 1, 2, 3- орындардың жеңімпаздары атанып, І, ІІ, ІІІ дәрежелі дипломдармен марапатталды. Құттықтаймыз!!!