2025 жылғы 7 сәуір күні “Жүргізуші еңбегінің ерекшеліктері және оның негізгі міндеттері. Заманауи көлік – жоғары қауіптілік аймағы. Қоғамдық көлік” тақырыбы аясында тәрбие сағаттары өткізілді. Тәрбие сағаты барысында оқушыларға жүргізуші мамандығының жауапкершілігі мен маңыздылығы түсіндіріліп, жол қауіпсіздігі ережелері кеңінен айтылды. Сонымен қатар “Қауіпсіз ашық ойын алаңының ережелері” тақырыбы қозғалып, балалардың қауіпсіздігін қамтамасыз етудегі басты талаптар мен тәртіптерге назар

04.04.2024 күні лицейімізде “ҰЛТТЫҚ ОЙЫНДАР ЭСТАФЕТАСЫ” өткізілді. Эстафетаға 5-6 сыныптар қатысты. Эстафета 6 кезеңнен тұрды: 1-кезең: “ТАНЫСТЫРУ. Бұл кезеңде әр команда өз атауын, ұранын таныстырып, ұлттық нақыштағы киім үлгісімен ерекшеленеді. Топ мүшелері бірліктерін көрсетіп, өз мақсаттарын айқындайды. 2-кезең: “БӘЙГЕ” . Шабандоздар жүйріктерін жаратып, мәреге бірінші болып жетуге тырысады. Нағыз шапшаңдық пен ептілік сыналатын сайыс! 3-кезең: “ТЕҢГЕ АЛУ” . Қазақтың көшпелі өмірінде ерекше

Ұлттық спорт күніне орай лицейімізде ұстаздар мен оқушылар арасында тоғызқұмалақ ойынынан жарыс ұйымдастырылды. Бұл зияткерлік бәсеке қатысушылардың логикалық ойлау қабілетін дамытып, ұлттық құндылықтарға деген қызығушылығын арттыруға ықпал етті. Жарыс барысында қатысушылар шеберліктерін көрсетіп, тартысты ойын өрнегін ұсынды. Шара соңында жеңімпаздар анықталып, арнайы марапаттар табысталды

19 наурыз – Жаңару күніне орай лицей оқушылары мектеп аумағын тазалау жұмыстарын ұйымдастырды. Олар аулада шашылған қоқыстарды жинап, ағаштардың түбін әктеп, гүлзарларды ретке келтірді. Бұл шара оқушылардың табиғатқа деген қамқорлығын арттырып, қоршаған ортаны таза ұстауға деген жауапкершілігін нығайтты. Сонымен қатар, мектеп айналасын көркейту арқылы олар Наурыз мерекесінің негізгі мәні – жаңару мен тазалық ұғымдарын іс жүзінде көрсетті

17 наурыз 2025 жылы мектепте “Наурыз – жыл басы” тақырыбында тәрбие сағаттары ұйымдастырылды. Іс-шараның негізгі мақсаты – оқушыларға Наурыз мерекесінің мәні мен маңызын түсіндіру, ұлттық дәстүрлерді дәріптеу болды. Сабақ барысында балалар Наурыздың шығу тарихы, оны атап өту ерекшеліктері туралы мәлімет алды. Сонымен қатар, осы күні қауіпсіздік сабақтары да ұйымдастырылып, “Жер сілкінісі” тақырыбында түсіндіру жұмыстары жүргізілді. Сабақ барысында оқушыларға жер сілкінісі кезінде өзін-өзі ұстау

14 наурыз Көрісу күні құтты болсын! Бұл күн – үлкенге құрмет, кішіге ізет көрсететін ерекше сәт. Бір-бірімізге ақ тілек айтып, реніштерді ұмытып, мейірім мен татулықты нығайтатын мейрам. Жүректеріміз қуанышқа толып, шаңырағымыздан береке кетпесін! Ынтымағымыз бекем, дастарханымыз мол, өміріміз шаттыққа толы болсын. Әрбір жаңа күн жақсылық, сәттілік әкелсін

Лицейімізде 8 “Б” сынып оқушылары кітап оқу мен қатар, сол оқыған шығарма бойынша өздерінің шығармашыл,ізденімпаз, актерлік шеберліктері озық екенін түрлі театрланған қойылымдар арқылы көрсетеді. Кезекті сахналық көрініс Бауыржан Момышұлының “Ұшқан ұя” повесі болды. Оқушылардың бойына патриоттық сезім мен тарихи құндылықтарды дәріптейтін, тамаша қойылым болды. Қатқыл тәртіп пен қағидаларына берік Бауыржанның балалық шағы, зеректік кезеңі мен есейген дара,дана Бауыржанды таратып сомдап қоя

Лицейімізде “Алматы – біздің ортақ үйіміз” бастамасы аясында “Пайдалы қақпақтар” акциясы белсенді түрде жүргізілуде. Бұл шара қоршаған ортаны қорғауға үлес қосып, пластикалық қалдықтарды қайта өңдеуге бағытталған. Оқушылар мен мұғалімдер пластик қақпақтарды жинап, оларды арнайы қабылдау орындарына тапсыру арқылы экологиялық мәдениетті дамытуға атсалысуда

Лицейіміз әлеуметтік желілерде балалар мен жастар арасындағы «Рахмет, ана!» челленджін қабыл алды

Лицейіміздің 9 “А” және 8 “А” сынып оқушылары ұстаздарымызға арнап 8 наурыз мерекесіне арналған концерттік іс-шара ұйымдастырды! Бұл күн – мейірім мен сұлулықтың, ізгілік пен аналық махаббаттың мерекесі. Білім нәрін сепкен аяулы ұстаздарымызға алғысымыз шексіз! Сіздерге көтеріңкі көңіл күй сыйлап, кішкентай да болса қуаныш сыйлау – біз үшін үлкен бақыт. Әрдайым жүздеріңізден күлкі кетпей, еңбектеріңіз жемісті болсын! Мерекелеріңіз құтты болсын