Ашық сабақтар айлығы

27 қаңтар күні “Қоғамдық -гуманитарлық пәндер бірлестігінің” онкүндігінде қазақ тілі мен әдебиеті пәні мұғалімі Кенжалиева Жанар Камбаровна 8 “Б” сыныбымен “Бақытсыз Жамал” романының тілі, романды өңдеу” тақырыбында ашық сабақ өткізді. Сабақтың мақсаты: Шығармашылық жұмыс. Шығарма үзінділерін орынды қолданып,өз көзқарасын дәлелдеу. Романды қайта өңдеп жазу және креативті жазу дағдыларын дамыту.
Сабақ патриоттық рух беретін әуенді серпіліспен басталды. Оқушылар calcus.ru платформасы арқылы топқа бөлініп, үй жұмысы Gynzy арқылы сұралды. Креативті жазылым тапсырмалары мен шығармашылық жұмыстар сабақтың мақсатын аша түсті. Тақырыпқа сай қолданылған ЖИ элементтері сабақтың құндылығын арттырды. Оқушылар сабаққа белсенді қатысып, өз ойларын көркем, дәлелді жеткізе алды. Сабақ соңында кері байланыс жасалып, топ басшысының ұпайлары есептеліп, мұғалімнің қорытынды бағасы айтылды.