Ата-аналарға арналған буллинг пен кибербуллингтің алдын алу тақырыбында жиналыс-семинар өткізілді

Сұлтан Ахмет Ходжиков атындағы №39 мамандандырылған лицейде 5–11 сынып оқушыларының ата-аналарына арналған буллинг пен кибербуллингтің алдын алу тақырыбында жиналыс-семинар өткізілді.
Семинар барысында ата-аналарға буллингтің белгілері, оның бала психологиясына әсері, алдын алу жолдары және мұндай жағдайларда ата-ананың рөлі туралы кеңінен түсіндірілді. Сонымен қатар, балалардың қауіпсіздігін қамтамасыз ету, олармен ашық қарым-қатынас орнату және мектеппен бірлесіп әрекет етудің маңыздылығы айтылды.
Аталған жиналыс ата-аналардың құқықтық және психологиялық сауаттылығын арттырып, бала үшін қауіпсіз әрі қолайлы білім беру ортасын қалыптастыруға бағытталды.