DosbolLIKE – достық пен құрметке негізделген орта

Сұлтан Ахмет Ходжиков атындағы №39 мамандандырылған лицейде оқушыларға арналған «DosbolLIKE» тақырыбында тәрбие сағаты өткізілді.

Тәрбие сағатының мақсаты – білім алушылар арасында достық қарым-қатынасты нығайту, өзара сыйластық пен қолдауды дамыту, буллингтің алдын алу және жағымды психологиялық орта қалыптастыру.

Сабақ барысында оқушылар достықтың маңызы, бір-біріне құрметпен қарау, келіспеушіліктерді бейбіт жолмен шешу және кибербуллингтің алдын алу жолдары туралы ой бөлісті. Пікір алмасу арқылы оқушылардың белсенділігі артты.

DosbolLIKE жобасы – әрбір білім алушы өзін қауіпсіз әрі еркін сезінетін орта қалыптастыруға бағытталған. Лицей ұжымы балалардың жан-жақты әрі үйлесімді дамуына жағдай жасауды басты міндет санайды.

✨ DosbolLIKE – мейірім мен сенім алаңы!