Лицейіміздің жылдық тәрбие жоспарына сәйкес, білім алушыларға кәсіби бағдар беру жұмыстары жүйелі түрде атқарылуда

Лицейіміздің жылдық тәрбие жоспарына сәйкес, білім алушыларға кәсіби бағдар беру жұмыстары жүйелі түрде атқарылуда. Атап айтқанда, 9-сынып оқушыларына мамандық таңдаудың маңыздылығын түсіндіру мақсатында Алматы көпсалалы колледжінің оқытушыларымен Нархоз колледжінің студенттерімен кездесулер ұйымдастырылды. Іс-шара барысында оқушыларға аталған оқу орындарындағы мамандықтар, оқу процесі және қабылдау шарттары туралы кеңінен ақпарат берілді.Сонымен қатар, 11-сынып түлектерімен «Мамандықтар әлемі» тақырыбы аясында арнайы түсіндірме жұмыстары жүргізілді. Бұл бағытта кәсіби бағдар беруші мамандар мен ALT университетінің өкілдері оқушыларға жоғары оқу орнында даярланатын мамандықтар бойынша бағыт-бағдар ұсынды.
Мектеп қабырғасындағы үгіт-насихат жұмыстары оқу жылы бойы жалғасады. Алдағы уақытта түлектердің таңдау аясын кеңейту мақсатында еліміздің басқа да жетекші жоғары оқу орындарымен кездесулер өткізу жоспарлануда.