Лицейіміздің ардагер ұстаздары марапатталды

Ұстаздар мерекесінің қарсаңында лицейімізде ерекше әрі құрметті оқиға орын алды. Лицейімізге ардагер ұстаздарымыз қонаққа келіп, олардың білім беру саласындағы елеулі еңбектері лайықты бағаланды. Оқу-ағарту министрі Ғани Бейсембаевтың атынан алғыс хат табысталып, ұстаздардың ұзақ жылдар бойы сіңірген адал қызметтері үшін алғыс айтылды.

Бұл кездесу – ұстаздардың жас буынға берген тәрбиесі мен білімі үшін алғыс айту және құрмет көрсету сәті болды. Ардагер ұстаздарға сый-құрмет көрсетіліп, олардың білім беру жүйесіндегі рөлдері мен қосқан үлестері ерекше аталып өтті. Осындай шаралар жас ұстаздарға да үлгі болып, оларды ынталандырады әрі ұстаздық жолдың маңыздылығын көрсетеді.

Ардагер ұстаздардың өмірлік тәжірибелері, даналығы және кәсіби жолдары қазіргі және болашақ ұстаздар үшін баға жетпес мұра болып табылады.