Діни экстремизмнің алдын алу – ортақ міндет

 Діни экстремизмнің алдын алу – ортақ міндет

С.А. Ходжиков атындағы №39 мамандандырылған лицейде оқушылар арасында діни экстремизмнің алдын алу, радикалды көзқарастардан сақтану және зайырлы қоғам құндылықтарын насихаттау мақсатында тәрбие сағаты өткізілді.

Тәрбие сағаты барысында білім алушыларға діни экстремизмнің мәні, оның қоғам мен жеке тұлғаға тигізетін кері әсері, сондай-ақ жалған діни ағымдардың белгілері туралы түсіндіру жұмыстары жүргізілді. Оқушыларға сыни ойлау, құқықтық сауаттылық және ақпараттық қауіпсіздік дағдыларын қалыптастырудың маңыздылығы атап өтілді.

Іс-шараның негізгі мақсаты – жастарды теріс діни идеологиялардан сақтандыру, толеранттылыққа, өзара сыйластыққа және заң талаптарын сақтауға тәрбиелеу.